Ֆրեսկո միջազգային փառատոն

Բիբլիական նախասկիզբ և հնագույն մշակույթ ունեցող Հայաստանում նմանատիպ միջոցառումը մեզ նորովի է ներկայացնում միջազգային ասպարեզում: Լինելով համամարդկային արժեքներ կրող ազգ, մարդկությանը մշտապես տալով հոգևոր և մնայուն արժեքներ, ինչպես նաև նրանից վերցնելով ամենագեղեցիկն ու բարին` հայությունն աշխարհի հետ գտնվում է հավերժական երկխոսության մեջ: Նման երկխոսության առիթ է «Ֆրեսկո» փառատոնը, որը Հայաստանը դարձնում է արդիական շփումների խաչմերուկ: Փառատոնի մի մասը անց է կացվում Հայաստանի գեղատեսիլ անկյուններում, մեր երկրի բոլոր այն վայրերում, որտեղ կան եկեղեցիներ և վանքեր, հնագույն որմնանկարներ, խաչքարեր… հայի հզոր հավատքի վկայություններ: